Euskal Herrian diharduten segurtasun indarrak

Euskal Herrian diharduten segurtasun indarrak hiru motatakoak dira (udalerrikoak, autonomia erkidegokoak edo Estatukoak), eta bakoitzak bere eremua du dela lurraldearen, dela eginkizunen aldetik. Segurtasunaren arduradun nagusiak Espainia eta Frantzia estatuak dira, nor bere lurraldean: Hego Euskal Herrian lehena, eta Ipar Euskal Herrian bigarrena. Gainera, autonomia erkidegoetako eta udalerrietako poliziak ere baditugu: Ertzaintza Euskal Autonomia Erkidegoan, Foruzaingoa Nafarroako Foru Erkidegoan, eta udaltzaingoak hainbat udalerritan.

Udalerriko segurtasun indarrak

Euskal Herri osoan hainbat udalerrik —5.000 biztanletik gorakoek, oro har— udaltzaingoa dute. Udalak gainbegiratutako polizia zerbitzua da.

Autonomia erkidegoetako segurtasun indarrak

• Ertzaintza: Euskal Autonomia Erkidegokoa.
• Foruzaingoa: Nafarroako Foru Erkidegokoa.

Portuetako segurtasun indarrak

• Kaizaingoa. Bilboko, Pasaiako eta Baionako portuetan.

Landaguneko segurtasun indarrak

• Basozaintza: Basazaintza/Guarderia de Medio Natural Araban, Ingurugiroa/Medio Ambiente Nafarroan, Basozaintza Bizkaian eta Gipuzkoan.
• Police de l'Environnement: Lapurdi, Zuberoa eta Nafarroa Beherean.

Estatuko segurtasun indarrak

Ipar Euskal Herria

• Frantziako Polizia Nazionala (Police nationale)
• Frantziako Jendarmeria (Gendarmerie nationale)

Hego Euskal Herria

Hego Euskal Herriko autonomia erkidegoetako poliziei ardura gehientsuenak transferitu zaizkien arren, Espainiako polizia indar biek oraindik ere badihardute, zenbait ardura mugaturekin.

• Espainiako Polizia Nazionala (Policía Nacional)
• Guardia Zibila (Guardia Civil)
• Aduanazaintza Zerbitzua (Servicio de Vigilancia Aduanera)

Kanpo estekak

• Datuak: Q12257465